Në muajin mars Skerdi Ago njoftoi shkëputjen nga muzika dhe ky lajm erdhi i papritur për të gjithë fansat e tij. Ai tha se kishte sakrifikuar shumë për këtë ëndërr dhe se do të bënte pak pushime për t’u rikthyer me energji të reja. Këngëtari fshiu dhe të gjitha postimet e tij nga ‘Instagram-i’, por sot ka shtuar një të ri që mban brenda një lajm shumë të bukur. Skerdi ka zbuluar se shumë shpejt do të bëhet baba për herë të parë. Ai ka publikuar në ‘Instagram’ një foto të partneres së tij, Vesa Rama, tek e cila dallohet qartë barku i saj i rrumbullakosur. Bashkangjitur këtij imazhi të ëmbël, Skerdi ka shkruar disa fjalë shumë të ndjera për të fejuarën dhe fëmijën që do të vijë në jetë.
“Doja që për ty sot, të hiqja çdo gjë nga rrjetet sociale, por edhe nga mendja ime, sepse ti do më dhurosh diçka shumë të shtrenjtë në jetë. Do ma falesh atë që e doja vetëm me ty – një engjëll që mezi pres ta shoh, ta prek dhe ta mbaj në duart e mia. Jam shumë i emocionuar, sepse dita ditës mendoj vetëm për engjëllin tonë. Ky bekim ka nisur të ma ndryshoj jetën që tani dhe jam shumë krenar që ti do jesh nëna e fëmijës tim”, ka shkruar Skerdi në postimin e tij. Për momentin ai është duke shijuar pushimet së bashku me partneren dhe këto duhet të jenë ditët më të bukura për ta. /revistawho.com
