Këngëtari i njohur, Shkëlzen Jetishi, ka qenë në një lidhje ‘live’ me emisionin “Ftesë në 5” pasditen e kaluar. Ai ka treguar se fillimisht nuk e ka marrë seriozisht karantinën, madje një ditë ka dalë dhe kur është kthyer në shtëpi ka gjetur policinë aty.
“Ishte dita e tretë që ishte kërkuar izolimi i detyrueshëm por nuk e morëm shumë seriozisht situatën. Me thënë të drejtën një ditë e kam thyer karantinën pasi nuk qëndrova më në shtëpi, por sapo u ktheva nga shtëpia më erdhi policia dhe më tha që më kishin parë diku me makinë. Më pas ata më thanë që është e ndaluar dhe që prej asaj dite nuk kam dalë asnjëherë”, tregoi këngëtari.
