Këngëtarja e njohur shqiptare, Xheisara, është bërë nënë për herë të parë dhe lajmin e ka ndarë me ndjekësit e saj në Instagram, duke publikuar disa pamje prekëse nga momenti i lindjes.
E shoqëruar me emocione të forta dhe një dedikim prekës për vajzën e saj, Xheisara shkruan:
“Më në fund ajo është këtu!
Nuk ka fjalë që mundet ta përshkruajë këtë ndjesi që më ka pushtuar zemrën!
9 muaj pritje
9 muaj përfytyrime se si do ishe ti
9 muaj biseda mes nesh, bija ime
Më në fund ti je këtu!
Të mbaj në krahë, të ndiej aromën dhe me plot gojën them: Faleminderit Zot!
Faleminderit për dhuratën më të bukur që kam marrë ndonjëherë në jetë!
Bija ime! Nuk do të uroj jetë të gjatë sa të një ylli sepse është shumë e gjatë,
Nuk do të uroj as jetë sa një trëndafil se është shumë pak,
Por uroj që jeta jote të jetë e shndritshme si ylli dhe e bukur si trëndafili.”
Urime të shumta kanë vërshuar në rrjet për Xheisarën dhe vogëlushen e saj, teksa fansat i urojnë jetë të lumtur dhe të bekuar të dyjave.
