Ditë më parë bëri shumë bujë publikimi i disa fotove me bikini të Ronela Hajatit, e cila njihet si një nga këngëtaret më pa komplekse në tregun muzikor shqiptar. Shumë nga ata që e ndjekin kanë komplimentuar guximin e saj për të pranuar veten siç është, pavarësisht paragjykimeve që shumë shpesh shprehen hapur.
Ndërsa të tjerë kanë marrë shembull nga veprimi i saj. Ndër ta është edhe këngëtarja Xhesika Polo, e cila pak kohë më parë deklaroi se do të bënte një ndërhyrje estetike.
E ftuar tek emisioni i pasdites ‘Rudina’, këngëtarja ka folur për operacionin dhe shumë gjëra të tjera. “Unë nuk e kam pasur kompleks, nuk më është bërë kurrë pengesë shëndeti. Por vendosa të kryejë operimin, për veten time, të bëja një ndryshim që të jetoja më mirë. Një motivim që të mbaja këtë lloj fiziku. Ndihem më e sigurt në publik, nuk e kam mendjen që ‘O bo bo, po më del barku.’ Tashmë kur shoh veten në pasqyrë, them se duhet të ecim vetëm me hapa përpara”,–tregoi Xhesika Polo. Më tej këngëtarja foli hapur duke theksuar se mori guximin që i duhej nga Ronela për të publikuar foto pa filtra në ‘Instagram’.
https://www.instagram.com/p/BnGOEluBH5N/?taken-by=xhesikapoloofficial
“Kur pashë foton e Ronelës, mendova me vete ‘Përse të mos e hedh dhe unë?’ Më pëlqeu shumë vendimi i saj për t’u shfaqur në ‘Instagram’ ashtu siç është. Ndaj publikova edhe unë disa foto ku shfaqesha me bikini. Kam strija, kam celulit por më pëlqen trupi im dhe përse të mos e shfaq pa filtra. S’do e kisha marrë kurrë guximin vetë”,-shtoi më tej Xhesika. Kujtojmë se karriera e saj nisi në spektaklin ‘X Factor’ dhe prej asaj kohe vazhdon të ketë suksese me projekte muzikore që prezanton./revistawho.com
https://www.instagram.com/p/Bm8fMb4BZlC/?taken-by=xhesikapoloofficial
