Këngëtarja e njohur i jep fund martesës…

Martesa e këngëtares së famshme Cheryl Cole së bashke me bashkëshortin e saj francez, Jean Bernand, duket se ka marrë fund. Të enjten në mëngjes, në Londër, në Gjykatën Qendrore, është zhvilluar seanca e divorcit edhe pse asnjëri prej dy protagonistëve nuk mori pjesë. Përfaqësuesi i  i Cheryl ka konfirmuar lajmin në një intervistë për “The Mirror” dhe kërkoi që të respektohet privatësia e tyre. “Viti i kaluar ishte i tmerrshëm dhe ajo tani është një person krejt ndryshe. Më në fund mund të ecë përpara me jetën e saj. Nuk ka qenë kaq e lumtur për një kohë të gjatë”,- është shprehur përfaqësuesi. Martesa e tyre ka zgjatur 18 muaj, ndërsa çifti ka rënë dakord për kushtet e ndarjes ku Cheryl mendohet se do të mbajë të gjithë pasurinë e saj prej 20 milionë dollarësh.