Mbrëmjen e të premtes në emisionin “Oktapod” të Turjan Hyskës ishte e ftuar këngëtarja e dashur e muzikës së veriut, Fatmira Breçani.
Ajo njihet si një nga këngëtaret e preferuara të ish-kryeministrit Sali Berisha, madje ka qenë e ftuar speciale si këngëtare dhe mike e familjes Berisha në dasmën e vajzës së tij, Argitës. Gjatë bisedës me moderatorin ajo tregoi disa detaje interesante nga dasma.
“Doktorin e dua shumë. Doktori nuk ka kërcyer mesa mbaj mend unë në dasmën e vajzës. I dinte këngët e mia dhe çohej na respektonte të gjithëve”. E pyetur nga Turi nëse po ta ftonte dhe Edi Rama në dasmën e djalit të tij, a do të shkonte ajo është përgjigjur: “Po shkoj, me gjithë qejf shkoj, do ia këndoja këngën e Myslym Pezës, pse jo”, – ka përfunduar ajo.
Ajo ka folur edhe për vështirësite e profesionit të saj. Duke qenë se kishte 5 vëllezër në familje, ata ishin fanatikë gjatë fillimeve të Fatmirës si këngëtare, por sot ata krenohen me të. Breçani njihet si bilbili i këngëve të veriut. Në fund të intervistës ajo shpreh se në planet e saj muzikore është edhe një bashkëpunim me këngëtarë të jugut.
https://www.youtube.com/watch?v=fPLD01WcTXo
