“Këngëtarja fenomen e vitit”, Arilena Ara merr çmimin më të rëndësishëm në Paris

Arilena Ara është në periudhën më të mirë të karrierës së saj. Edhe pse  2017-ta u quajt si viti i sukseseve të saj, duket se edhe ky vit ka filluar mbarë për  këngëtaren.
Në Paris është mbajtur eventi i përvitshëm “The Best Awards”, ku artistë nga fusha të ndryshme vlerësohen me çmime e midis tyre ka qenë edhe Arilena. Menaxheri i këngëtares ka thënë për “Revista Class” se në kategorinë e muzikës Arilena është vlerësuar me çmimin “Këngëtarja fenomen e vitit”. Ndërkohë vetë këngëtarja ka publikuar video ku shfaqet duke pozuar me një fustan të gjatë dhe Kullën Eiffel në sfond.