Kohët e fundit Era Rusi ka qenë mjaft aktive në muzikë. Ajo ka publikuar dy bashkëpunime me Ylli Bakën dhe Remzie Osmanin dhe një këngë solo të titulluar “Më dhemb dashnia”. Pavarësisht se është një nga këngëtaret me zërin më potent, Era nuk ka studiuar për muzikë. Në një intervistë për emisionin ‘Lart e Poshtë’, gazetari Eraldo Rexho ka zbuluar se Era ka mbaruar studimet e larta për gazetari. E pyetur nëse e ka menduar ta ushtrojë ndonjëherë si profesion, ajo ka thënë: “Kam pasur gjithmonë qejf të kem një emision të timin, por nuk kam bërë akoma një plan për ta realizuar. Jam shumë kërkuese dhe mendoj që një gjë duhet bërë mirë ose mos të bëhet fare. Në një moment të jetës do të vendos të bëj një emision të timin”. Era ka folur edhe për marrëdhënien e ngushtë që ka me familjarët e saj. Ajo ka treguar se jeton ende me prindërit dhe ndihet pak e përkëdhelur, sepse gjithmonë gjen mëngjesin gati nga mami, ndërsa babi i përgatit lëngun e frutave. /revistawho.com
https://www.youtube.com/watch?v=qh2h_8-XbA4
