Pak ditë më parë Bebe Rexha performoi në një nga eventet e organizuara nga Michelle Obama “College Singing Day”. Ky event organizohet me qëllim për të inkurajuar të rinjtë për të ndjekur studimet e larta pas kryerjes së gjimnazit. Bebe Rexha dha më të mirën e saj gjatë organizimit dhe për këtë ka marrë një letër falënderuese nga Michelle Obama. Këngëtarja me origjinë shqiptare e ka publikuar letrën në ‘Instagram’ shoqëruar me një ‘emoji’ që qan nga emocionet. Në letrën e dërguar nga Michelle ndër të tjera thuhet: “Për shkak të angazhimit tuaj të pafund dhe entuziazmit, këta studentë mund të arrijnë më lartë dhe të ëndërrojnë më shumë”. Ndërsa në fund të saj Michelle dhe ish-presidenti i Amerikës, Barck Obama i urojnë Bebes dhe të gjithë personave të saj të dashur më të mirat.
“Ne të vlerësojmë ty dhe shpresojmë që të vazhdojmë të punojmë përkrah teje për të zhvilluar vlerat dhe vizionet tona të përbashkëta për të ardhmen tonë të ndritur. Barack dhe unë të urojmë ty dhe të dashurve të tu gjithë të mirat. Sinqerisht Michelle Obama”, shkruhet në fund të letrës. Kujtojmë se këngëtarja shqiptare ka arritur një sukses të jashtëzakonshëm vitet e fundit dhe sot renditet ndër këngëtaret më të mira. /revistawho.com
