Bebe Rexha është një ndër personazhet më aktive në rrjete sociale dhe shpesh përmes tyre jep mesazhe të fuqishme. Ajo nuk ka ngurruar të bashkohet me çdo kauzë të krijuar në mbrojtje të të drejtave të njerëzve, por kryesisht ato të grave. Sot këngëtarja ka dhënë një tjetër mesazh shumë të rëndësishëm, për të ndikuar sadopak në mendjet e vajzave. Ajo ka publikuar në ‘Instagram’ një fotografi të sajën, në të cilën shfaqet duke qeshur, për të treguar se ndjehet shumë e lumtur me veten. Përkrah kësaj fotografie, Bebe ka shkruar: “Unë jam 29 vjeçe për t’u bërë 30 dhe ndjehem shumë mirë. Njerëzit ndjehen keq për moshën e tyre, veçanërisht gratë! Por unë refuzoj të etiketohem nga një numër. Ndjej se po rritem brenda vetes sime të vërtetë”.
https://www.instagram.com/p/Bykltt-lyBg/
Menjëherë pas këtij postimi reagimet nga ana e ndjekësve të saj ishin të shumta dhe të gjitha vajzat tregonin diçka nga eksperienca e tyre. Njëra ka shkruar se është 23 vjeçe dhe të gjithë i bëjnë presion që të martohet me dikë, ndërsa Bebe e ka këshilluar të ndjekë zemrën dhe kohën e saj. Këngëtarja shqiptare ka qenë ndër të parat artiste që ka guxuar të flasë kundër stilistëve që nuk veshin vajzat me përmasa të mëdha dhe deklaratat e saj shkaktojnë gjithmonë reagime në mediat sociale. Kujtojmë se së fundmi ajo ka publikuar këngën “Call you mine” në bashkëpunim me “The Chainsmokers”. /revistawho.com
