Këngëtarja shqiptare nuk pranoi origjinën në Greqi, por ja kë do të përfaqësojë në ‘Eurovision 2018’

Këngëtarja me origjinë shqiptare Entela Fureraj është shumë e famshme në shtetin fqinj grek, por atje njihet me emrin Eleni Foureira. Ajo është larguar nga Shqipëria së bashku me familjen e saj gjatë vitit 1997, kur ishte vetëm 10 vjeç. Në fillimet e saj në Greqi ajo është prezantuar si këngëtare latine, por shumë vonë më pas pranoi origjinën e saj si shqiptare. Duke qenë se Entela është shumë e njohur me këngët e saj në Greqi, të gjithë kanë menduar se ajo do të prezantojë Greqinë në Festivalin Evropian, por nuk është kështu. Sipas disa portaleve që diskutojnë mbi ketë festival flitet se ajo së bashku me kompozitorin Alex Papaconstantinou janë duke punuar për këngën që do të prezantojë shtetin e Qipros. Gjithashtu shtëpia diskografike në të cilën është pjesë Entela Fureraj ka konfirmuar se enti publik televiziv i Qipros i ka kërkuar zyrtarisht këngëtares që të përfaqësojë shtetin e tyre në ‘Eurovision’.