Alida Duka prej shumë vitesh jeton larg Shqipërisë dhe ka arritur që edhe andej të ndërtojë një jetë të lumtur. Ajo ka krijuar një karrierë të suksesshme dhe tashmë pritet që të njëjtën gjë të arrijë edhe në anën sentimentale. E ftuar në emisionin “Why Not” në televizionin “Ora News”, Alida ka zbuluar se shumë shpejt do të martohet me menaxherin e saj francez. Në fakt e para ishte moderatorja e emisionit, Roza Lati, që e zbuloi këtë lajm dhe më pas Alida e konfirmoi edhe vetë.
“Është hera e parë që e gjej një njeri që e kupton karrierën time, muzikën, gjithçka, është përkrah meje gjithmonë dhe është menaxher për artistët në gjithë botën. Mbi të gjitha është një person që kuptohem me të dhe ai më kupton jashtëzakonisht mua dhe më në fund thashë ‘hallelujah’ kur i kisha prerë shpresat që nuk do lidhem më fare, më mirë do rri vetëm. Në atë moment erdhi dhe ishte dashuri me shikim të parë”, ka treguar Alida. Më pas këngëtarja ka zbuluar se dasma do të organizohet në Monaco, një nga vendet më të bukura të rivierës franceze. Kujtojmë se pavarësisht se jeton jashtë vendit, Alida vazhdon të jetë aktive edhe me muzikën në Shqipëri. /revistawho.com
