E ftuara speciale e puntatës së “Bukë me vete” ditën e sotme ka qenë këngëtarja shqiptare, Xhesika Polo. Eksperienca e saj me Roza Latin ka qenë e mbushur me surpriza dhe aventura, mirëpo gjatë intervistës Xhesika ka zbuluar një detaj interesant në lidhje me karrierën e saj si këngëtare. Pyetur nga Roza se ku e sheh veten në të ardhmen, Xhesika u shpreh se së shpejti ajo do të largohet nga Shqipëria për të nisur një karrierë ndërkombëtare. “Vetëm një gjë di të them, do jem jashtë Shqipërisë. Jo sepse nuk e dua vendin tim, sepse është shumë i bukur, por dua ta provoj andej. Ta dëgjojë dhe bota zërin tim, jo vetëm Shqipëria”, ka thënë këngëtarja. Xhesika njihet si një nga këngëtaret me vokal më të fuqishëm në vendin tonë dhe me siguri, karriera e saj jashtë Shqipërisë do të rezultojë e suksesshme./revistawho.com
