Data e sotme ka shënuar 1 tetor, duke përkuar dhe me muajin e ndërgjegjësimit për kancerin e gjirit. Këtë fakt nuk e ka lënë pa përmendur dhe kujtuar këngëtarja e njohur Eliza Hoxha. Ajo është parë shpeshherë e angazhuar me fushatat e ndërgjegjësimit, por veprimi i saj i fundit i ka surprizuar të gjithë. Disa momente më parë ajo zbuloi me anë të një postimi në ‘Instagram’ pamjen e saj të re. Këngëtarja duket me flokë të prera, për të dhënë një mesazh mjaft të fortë. “Për gjithë ato gra e vajza që nuk dorëzohen”, shkruan ajo në foton e postuar. Eliza prej disa kohësh moderon emisionin e vetëm në Kosovë mbi arkitekturën dhe kulturën urbane në përgjithësi “Çelsi” i cili transmetohet të dielave në RTV21.
