Këngëtarja shqiptare Kamela Islamaj ka zgjedhur të jetë shumë e rezervuar për jetën e saj private duke e mbajtur atë larg kameras dhe vëmendjes së publikut. E vetmja gjë që Kamela ka zbuluar është lidhja dhe bashkëjetesa me të dashurin e saj, por mesa duket edhe dëshira për dasmë nuk mungon.
Këngëtarja ka postuar një foto në “Instagram” me mbishkrimin:”Kur u bëra si nuse”, bashkangjitur një fotoje të saj nga sfilata e “Geraldia Sposa” e vitit 2011. Në këtë foto ka komentuar edhe mikesha e ngushtë e Kamelës, Orgesa Zaimi. “Duke pritur të bëhem shoqëruesja e nuses”- ka shkruar Orgesa.
Ndërkohë vetë Kamela nuk e ka mohuar mundësinë për t’u bërë nuse, por mikesha e saj duhet të presë edhe ca për të qenë shoqëruesja e nuses.
“Duhet të presësh ca”- ka shkruar këngëtarja si përgjigje ndaj mikeshës së saj./revistawho.com
