Dhimbjet e kokës apo të muskujve tregojnë për mangësi magnezi: sipas studimeve mbi 75% e njerëzve kanë mangësi magnezi, po nuk janë të vetëdijëshëm për këtë. Magnezi është një mineral esencial që është përgjegjës për funksionimin e duhur të trurit, nervave dhe muskujve. Nëse keni mangësi magnezi atëherë do të keni dhimbje koke të vazhdueshme apo dhimbje muskujsh. Magnezi është i pranishëm tek lakra jeshile dhe bishtajoret.
Aknet, puçrat tregojnë për mungesë zinku:puçrat janë një nga shenjat tipike të mungesës së zinkut. Zinku luan një rol shumë të rëndësishëm në shëndetin e lëkurës dhe është e rëndësishme të konsumoni rreth 30mg zink çdo ditë. Farat e kungullit janë një burim shumë i mirë i zinkut.
Thonjtë dhe flokë të brishtë tregojnë për mungesë të vitaminës B7: vitamina B7 ose biotina është thelbësore për shëndetin e flokëve dhe thonjve. Mungesa e saj është disi e rrallë, por kur ndodh çon në rënie drastike të flokëve dhe thonj të brishtë që tentojnë të thyhen shpejt.
Flokët e dobët tregojnë për mungesë hekuri: hekuri ndihmon qelizat e kuqe të gjakut të bartin oksigjenin nëpër trup. Nëse ju po përjetoni humbje të papritur të flokëve apo lëkura e kokës është e brishtë dhe e thatë atëherë keni mungesë hekuri.
Shenja të bardha në trup dhe thonj: nëse vëreni pulla të bardha nëper trup apo në thonj atëherë po ju tregojnë për mungesën e acideve yndyrore në trup. Në këto raste duhet të konsumoni shumë ushqime të pasura me omega-3 si peshk, arra, vaj peshku etj./Shendeti
