Janë disa nga veprimet e tij që tregojnë nëse ai ju merr sikur ju ka në “xhep”, apo vërtet kujdeset që të mos ju humbë apo të ju hidhërojë. Gjestet, kujdesi dhe veprimet e tij, kanë shumë rëndësi për ju. Ja disa nga shenjat që tregojnë se ai ju do:
Ai nuk lë takim me miqtë e tij pa folur me ju
Ai kurrë nuk lë takim me dikë pa ju pyetur edhe juve. Nuk ka rëndësi se a do të takoheni me prindërit e tij apo miqtë. Ai e di se edhe ju i keni planet tuaja dhe kujdeset që të mos ua prishë.
Ai ju telefonon kur është në punë
Nuk është e thënë që çiftet të shkruhen me njëri- tjetrin çdo 30 sekonda, por partneri juaj gjithmonë kujdeset që t’ju telefonojë edhe kur ka punë.
Nuk i përmend favoret që bën
Nuk ka rëndësi nëse keni marrë para nga ai, apo ju la ta zgjidhnit filmin që do të shihnit së bashku, ai kurrë nuk ua përmend dhe është shumë komod me këtë fakt.
Nuk ju mban sekrete
Ai nuk përpiqet asnjëherë që t’i fshehë gjërat nga ju, ose t’ju gënjejë se ku ishte apo me kë kishte dalë për të pirë diçka.
Kujdeset që të jeni e lumtur
Ai nuk hidhërohet kur gjërat nuk shkojnë sipas mënyrës së tij. E rëndësishme për të është që edhe ju të jeni e lumtur dhe bën shumë kompromise.
