Prindërit duhet të jenë gjithmonë vigjilentë dhe të kontrollojnë çdo ushqim që fusin në frigorifer. Ja cilat janë disa nga peripecitë në të cilat kalojnë prindërit me fëmijë alergjikë ndaj ushqimit.
1. Ata kujdesen të gatuajnë ëmbëlsirat e një feste deri natën vonë. Nuk është as ditëlindja e fëmijës së tyre.
2. Gjatë fluturimit me avion, në mënyrë instiktive thoni JO, përpara se t’ju vijë radha për t’ua shërbyer ushqimin.
3. Kur udhëtoni jashtë shtetit pyesni në gjuhë të ndryshme “çfarë përbërësish ka ushqimi”.
4. Përgatitja për të shkuar me pushime rezulton shumë e lodhshme sepse ju merrni dollapin e ushqimeve me vete, pasi i keni kontrolluar mirë përbërësit.
5. Fjalët “ushqim” apo “ftesë për piknik” ju rrisin tensionin e gjakut.
6. Ju e njihni më së miri ndjenjën e frikës kur fëmijët tuaj marrin ftesë për të shkuar në një festë.
7. Ju ndiheni e kënaqur kur fëmija juaj refuzon për herë të parë një ushqim sepse nuk di përbërësit e tij.
8. Kur fëmija ju vjen me dhimbje barku, ju në heshtje analizoni gjithçka që ai mund të ketë ngrënë gjatë ditës.
9. Kur shkoni në shtëpinë e të afërmve tuaj, filloni të kontrolloni etiketën e gjithçkaje.
10. Nuk e mbani mend kur ka qenë hera e fundit që keni ngrënë jashtë.
11. Ju nuk shqetësoheni vetëm për ushqimin e fëmijëve tuaj, por edhe të të tjerëve.
12. Kur dikush sjell si dhuratë ëmbëlsira, ju duhet t’i thoni fëmijës tuaj JO, pasi kanë një përbërës ndaj të cilit është alergjik.
13. Ju lumturoheni kur në një cep të supermarketit gjeni një produkt që i shtohet listës suaj të ushqimeve të sigurta.
14. Ju e dini mjaft mirë se shprehja “vetëm një kafshatë”, mund t’i dëmtojë.
15. Nuk e kuptoni përse ushqimet që nuk përmbajnë elemente alergjike, janë më të shtrenjtë se të zakonshmit.
16. Ndoshta duhet të merrni hua për të mbajtur regjimin ushqimor që ju duhet fëmijëve tuaj, pa përmbajtje qumështi, soje, arra apo gruri.
17. Ju keni lexuar gjithçka mbi produktet dhe elementet ndaj të cilëve fëmijët janë alergjikë, sa ndiheni sikur jeni diplomuar në këtë fushë.
18. Ju nuk komunikoni më me miqtë apo familjarët, të cilët refuzojnë të kuptojnë se alergjia mund t’i “vrasë” fëmijët tuaj.
19. Në ditën e parë të shkollës kur prindërit bisedojnë për kufizimet në ushqim, ju ndiheni keq pasi lista juaj është shumë e gjatë.
20. Ju keni marrë leksione për mënyrën sesi t’i lexoni etiketat, në mënyrë që t’i mbroni fëmijët tuaj./revistawho.com
