Ngjyra rozë është kthyer në një nga ngjyrat më të preferuara për VIP-at shqiptarë dhe jo vetëm. Shumë të famshme kanë guxuar me pamjen e tyre, duke lyer flokët e tyre me këtë ngjyrë. Ky trend është ndjekur dhe nga meshkujt, si përshembull aktori Johan Hill, megjithatë ne kemi përgatitur një listë të femrave më të njohura të showbiz-it shqiptar dhe të huaj që guxuan këtë vit.
Motrat Kardashian-Jenner janë gjithmonë ato që e nisin një trend dhe sigurisht, ishin ndër të parat që i ndryshuan flokët nga bjonde në rozë.
Cardi B ka vendosur ta çojë ngjyrën rozë në një tjetër nivel. Ndryshe nga VIP-at e tjerë, ajo ka përdorur një ngjyrë rozë shumë të ndezur në flokët e saj super të gjatë.
Këngëtarja Halsey është e njohur për eksperimentet që i bën flokëve të saj, kështu që sigurisht ngjyra rozë nuk mund të mungonte.
Kjo modë sigurisht ka ardhur edhe në Shqipëri. Roza Lati i shokoi të gjithë me ndryshimin që bëri. Ajo publikoi një foto në ‘Instagram’ me flokë në ngjyrë roze dhe mund të themi që ndryshimi është pritur mirë nga të gjithë.
Edhe Vesa Luma ka vendosur ta bëjë këtë ndryshim në pamjen e saj, duke lyer flokët në ngjyrë rozë. Mesa duket, ngjyra rozë qenka e preferuara e këngëtares, pasi në foton e publikuar ka shkruajtur: “Flokë rozë që sot e tutje. Nuk mund ta besoj që këto janë flokët e mi”.
Reperja Tayna është një tjetër artiste që ra pre e këtij trendi. Gjithmonë e kemi parë me ngjyra të ndryshme, njëherë kafe, të zeza apo bjonde. Këtë herë ajo ka ndryshuar duke lyer flokët e saj ngjyrë rozë. Këtë vit e shpallim zyrtarisht vitin e ngjyrës rozë./revistawho.com
