Kohët e fundit Rita Ora ka qenë vazhdimisht e angazhuar në koncerte të ndryshme në mbarë botën. Së fundmi ajo ka njoftuar se shumë shpejt do të nisë dhe një tur muzikor në mbështetje të të gjitha femrave. Megjithatë pavarësisht gjithë impenjimeve, Rita gjen pak kohë të kalojë natën jashtë dhe të argëtohet me miqtë e saj. Këngëtarja me origjinë shqiptare është fotografuar duke ecur në rrugë me një veshje mjaft të guximshme. E veshur e gjitha me të kuqe ajo tërhoqi vëmendjen e të gjithëve. Rita kishte kombinuar një bluzë të shkurtër të kuqe me një pale streçe në po të njëjtës ngjyrë me pak shkëlqim.
E si për të treguar që do të ishte një natë dedikuar argëtimit, Ora, ishte munduar që flokët t’i kapte në një mënyrë sa më të lirshme dhe disi të çrregullt. Por në këtë paraqitje të saj, Rita kishte një ndryshim të dukshëm nga pjesa më e madhe e vajzave. Pavarësisht se ishte mbrëmje ajo kishte vendosur që të mbante të një ‘make-up’ sa më natyral gati-gati të padukshëm. /revistawho.com
