Në epokën në të cilën jetojmë është e vështirë ta shohim veten të shkëputur nga teknologjia. Nuk mund të qëndrojmë me orë të tëra larg telefonit, apo pa kontrolluar një rrjet social, ose pa u përfshirë kokë e këmbë në një lojë elektronike. Ky fiksim është kthyer në një shqetësim të madh edhe për më të vegjëlit, që me siguri fëmijërinë e tyre kur të rriten dhe pak do ta kujtojnë vetëm të rrethuar nga pajisjet teknologjike. Shumë prindër e kanë të vështirë të gjejnë mënyra për t’ju larguar nga duart telefonat celularë, megjithatë ka disa ide shumë të mira për t’i bërë fëmijët sa më aktivë. Mjafton të hidhni një sy tek personazhet e njohur dhe do të gjeni disa ide shumë interesante që do ua lehtësojnë punën me fëmijët tuaj. Të famshmit shqiptarë kanë gjetur aktivitete nga më të ndryshmet që i ndihmojnë të vegjëlit të zhvillohen jo vetëm nga ana fizike, por edhe nga ajo kreative. Nëse dëshironi që fëmijët tuaj të bëhen pjesë e botës së artit mund të zgjidhni t’i përfshini në kurse baleti, apo t’i lini të pikturojnë duke hedhur në letër çdo gjë mund të kapë imagjinata e tyre, njësoj siç bëjnë Ledina Çelo dhe Orgesa Zaimi.
Në të njëjtën kohë mund t’i bëni pjesë të aktiviteteve sportive, të merren me futboll, basketboll, arte marciale etj.
https://www.instagram.com/p/Bg9C__fADkb/
Një ide tjetër shumë e mirë për t’i mbajtur fëmijët të angazhuar është gatimi, që personazhet e njohur zgjedhin ta praktikojnë shpesh. Edhe nëse nuk keni mundësi, mund ta bëni këtë gjë me fëmijët sa herë që të gjeni kohë të mjaftueshme.
Të tilla aktivitete si këto të përmendura më sipër janë të shumta dhe është e vërtetuar se ndikojnë drejtpërdrejtë në zhvillimin dhe edukimin sa më normal të fëmijëve. /revistawho.com
