Kujdesi gjatë të 30-tave është shumë i rëndësishëm për mbrojtjen e lëkurës kundër plakjes. Që rrudhat të shfaqen në kohën e duhur dhe fytyra të mos duket e lodhur para kohe duhet të keni parasysh disa këshilla.
Duhet të ekspozoheni sa më pak në diell. Rrezet e diellit mund të shkaktojnë një plakje të parakohshme dhe të zmadhojnë poret e lëkurës. Sa herë që dilni në diell duhet të vendosi patjetër një krem kundra diellit me mbrojtje më të lartë se 30.
Duhet të tregoni kujdes me hidratimin e lëkurës. Lëkura e dehidratuar krijon më shpejt rrudha dhe duke e hidratuar atë do të shmangni të gjitha shenjat e parakohshme të plakjes. Nëse lëkura juaj është e predispozuar për të qenë e thatë, duhet të vendosni kremin hidratues sapo të dilni nga dushi.
Duhet të kujdeseni shumë për gjumin. Gjumi i mirë është kryesor në shëndetin e lëkurës dhe gjallërinë e fytyrës.
Duhet të ushtroheni sa më shumë. Pavarësisht të gjithë punëve që mund të keni, duhet të krijoni një orar për t’u stërvitur. Në këtë mënyrë lëkura jo vetëm që nuk do të rrudhoset, por edhe do të keni një trup të shëndetshëm. /revistawho.com
