Gjatë vjeshtës ashtu si dhe në sezonet e tjera duhet t’i kushtoni shumë rëndësi kujdesit të lëkurës. Në vjeshtë lëkura bëhet më e thatë dhe prandaj problemet me të janë të shumta. Për këtë arsye duhet të filloni të mësoni disa truke të thjeshta për të mos pasur asnjë lloj problemi gjatë vjeshtës.
Përdorni shampo kundër zbokthit- Duke qenë se lëkura është e thatë në vjeshtë, ju do të keni probleme edhe me skalpin e kokës. Për këtë arsye duhet të filloni të përdoni një shampo që është kundra zbokthit.
Përdorni krem dielli- Pavarësisht se vera ka mbaruar duhet të vazhdoni të përdorni krem dielli. Ky është një sekret i lëkurës për t’u dukur të rinj edhe kur të kalojë mosha.
Përdorni gjalp buzësh- Problemet me buzën, duke filluar nga aknet ose skuqjet rreth saj janë të shumta gjatë vjeshtës. Për këtë arsye duhet të filloni të përdorni gjalp për buzët.
Përdorni krem për duart- Kur temperaturat fillojnë të ulen, nisin dhe problemet me lëkurën e duarve. Çarjet, të kruarat e duarve janë diçka e zakonshme në vjeshtë dhe dimër, prandaj duhet të përdorni gjithmonë një krem për t’i mbrojtur. /revistawho.com
