Është folur disa herë se Miley Cyrus dhe Liam Hemsworth janë martuar, por duket se këtë herë ata e kanë kurorëzuar me të vërtetë lidhjen e tyre. Miley dhe Liam kanë rreth 6 vite të fejuar dhe së fundmi thuhet se ata janë martuar.
“Ata të dy kanë bërë një martesë sekrete në një rezidencë në Malibu. Fqinjët nuk kanë dyshime se ishte martesë. Fëmijët vraponin gjithandej nga gëzimi”, – tha një burim i brendshëm i revistës ‘Life & Style’. Gjithashtu thuhet se në ceremoni ishin të pranishëm babai i këngëtares Billy Ray, mamaja e saj Trish dhe 4 motrat e vëllezërit. Por nuk munguan edhe familjarët e Liam, dy vëllezërit e tij, Chris dhe Luke.
Si për të vërtetuar më shumë se këtë herë martesa është e vërtetë i njëjti burim ka zbuluar më shumë detaje për fustanin dhe organizimin. “Miley kishte veshur një fustan të bardhë të derdhur. Ushqimi ishte vegjetarian dhe organik. Çifti i shprehu dashurinë njëri-tjetrit dhe treguan se janë miqtë më të mirë të njëri-tjetrit dhe se dësshirojnë të plaken bashkë”, – tregoi burimi për ‘Life & Style’. Pas kësaj ata do të nisen në Australi për të festuar në shtëpinë e Liam, ku janë dhe të gjithë të afërmit e tij. /revistawho.com
