Të gjithë ne mendojmë se një tas me fruta të ndryshme apo perime është një ushqim shumë i shijshëm dhe i shëndetshëm. Por në fakt duhet të bëni shumë kujdes në përzierjen e tyre, sidomos të frutave. Frutat duhet të ndahen në të tharta, të ëmbla dhe neutrale dhe në bazë të këtyre kategorive ju duhet t’i konsumoni. Disa fruta nuk duhet t’i përzieni asnjëherë bashkë, sepse varet nga shpejtësia e tyre e tretjes.
Pjepri nuk tretet mirë nëse konsumohet në të njëjtën kohë me një frut tjetër. Kjo vjen, sepse pjepri tretet më shpejt për shkak të sasisë së lartë të ujit që ka në përbërje të tij. Edhe shalqirin nuk duhet ta konsumoni në të njëjtën kohë me një frut tjetër.
Asnjëherë mos konsumoni frutat e tharta ose gjysmë të tharta me ato të ëmbla. Frutat e tharta si luleshtrydhet, rrushi ose gjysmë të tharta si molla, shega dhe pjeshka nuk duhen përzier me frutat e ëmbla si banania. Ndërsa frutat e tharta mund t’i konsumoni në të njëjtën kohë me ato gjysmë të tharta.
Nuk duhet të përzieni bashkë frutat me perimet. Frutat treten më shpejt se perimet, madje nutricionistët thonë se ato treten që në momentin e parë që shkojnë në stomak. Gjithashtu frutat kanë më shumë sheqer në përbërje. Përshembull nuk duhet të konsumoni bashkë karrotë dhe portokalle, sepse shkaktojnë urth apo probleme të tjera me stomakun. /revistawho.com
