Instagram po bën ndryshime të mëdha, duke kufizuar përdorimin e filtrave në platformë. Vetëm 140 filtra, të krijuar nga vetë kompania Meta, do të jenë të disponueshëm, duke eliminuar miliona të tjerë të krijuar nga përdoruesit.
Kjo lëvizje synon të rikthejë autenticitetin dhe natyralitetin në përvojën e përdoruesve. Filtrat, të cilët kanë qenë popullorë që nga vitet 2015, shpesh modifikojnë pamjen duke lëmuar lëkurën apo theksuar tiparet e fytyrës.
Përmes këtij ndryshimi, Instagram dëshiron të promovojë një qasje më reale dhe të sinqertë në rrjetet sociale. Megjithatë, reagimet ndaj kësaj mase janë të ndara pasi shumë përdorues mendojnë se kjo do të ndalojë krijimtarinë dhe shprehjen personale.
