Studimi i drejtuar nga doktoresha Olivia Okereke mbajti nën vëzhgim 40 mijë femra amerikane me moshë mbi 45 vjeç. Gjatë studimit të zgjatur për disa vite u vëzhgua regjimi ushqimor i pjesëmarrëseve.
U zbulua se ato femra që kishin konsumuar në sasi të mëdha produkte shtazore, kishin një degradim të memories së tyre, krahasuar me ato femra që kishin konsumuar ushqime më të shëndetshme.
Doktoresha Okereke bën me dije se yndyrat shtazore që gjenden te mishi i kuq, te gjalpi dhe te ushqimet e shpejta janë tejet të dëmshme dhe duhen evituar. Ndërsa për të pasur një kujtesë të fortë ajo këshillon frutat e thata si bajamet, lajthitë dhe arrat. Sipas saj konsumi i rregullt i këtyre frutave të thata garanton një gjendje mendore më të kthjellët dhe më të shëndetshme.
