Pak muaj më parë Zaimina Vasjari festoi 1-vjetorin e lindjes së vajzës së saj, Khloe. Pas ditëlindjes së parë duket sikur muajt ecin me shpejtësi dhe sa më shumë kalon koha, aq më shumë rritet edhe vogëlushja.
Sot Khloe bën 16-mujashe dhe mami Zaimina duket e lumtur që Khloe tashmë është rritur dhe ndryshimet në sjelljet e saj janë të shumta. Vasjari ka publikuar në ‘Instastory’ një fotografi të vogëlushes, në të cilën shfaqet duke u zvarritur për të zbritur nga krevati.
Sigurisht që për një fëmijë është arritje e madhe, ndaj mami Zaimina e ka ndarë me të gjithë këtë moment. “Sot jam 16-muajshe. Tani jam e madhe, zbres vetë nga krevati”, ka shkruar Zaimina bashkangjitur fotos së vajzës. Kemi parë shpesh se Khloe dhe Zaimina janë shndërruar edhe në miket më të mira të njëra-tjetrës, sepse e vogla e shoqëron mamin në çdo vend.
Kujtojmë se Khloe erdhi në jetë në janar të 2018-tës dhe ajo është bekimi i parë i Zaimina Vasjarit. /revistawho.com
