Khloe e pranon: Për shkak të stresit nuk munda të ushqej vajzën me qumësht gjiri

Lindja e vajzës së saj, True Thompson, ka qenë një nga periudhat më të vështira për Khloe Kardashian. Përveçse duhej të përballej me vështirësitë e procesit të lindjes, Khloe gjatë asaj kohe u bë pjesë e gjithë lajmeve rozë për shkak të tradhtisë së partnerit të saj, Tristan. Siç duket gjithë kjo situatë stresuese ka ndikuar negativisht tek ylli i ‘Keeping Up With The Kardashians’, sepse nuk ka mundur të ushqejë me qumësht gjiri vogëlushen. “Për shkak të stresit, mua nuk më vinte qumështi. Provova, por asnjëherë nuk mund ta ushqeja mjaftueshëm vajzën time, kështu që m’u desh ta ushqeja me qumësht të përgatitur”, – ka treguar Khloe në ‘Twitter’. Ajo ka rrëfyer se kishte provuar çdo lloj gjëje që të mund ta ushqente True me qumësht gjiri, por nuk kishte funksionuar asgjë. Në një episod të ‘Kepping Up With The Kardashians’, Khloe e ka pranuar se e ka patur të vështirë përballjen me lajmet e tradhtisë së Tristan, sepse sipas saj kur je personazh i njohur nuk mund t’i shmangesh as çështjeve personale. /revistawho.com