Khloe Kardashian dhe Tristan Thompson bien dakord për kujdestarinë e vajzës

Në fillim të kësaj jave, në media qarkulluan zëra se Khloe po mendonte të ftonte në festën e ditëlindjes së vajzës së saj, ish-partnerin Tristan Thompson. Të gjithë e dinë që Khloe dhe Tristan kanë pasur një marrëdhënie të mbushur me probleme, por i dhanë fund lidhjes pas skandalit së tradhtisë me Jordyn Woods. Tani dyshja është duke menduar për të ardhmen e vajzës së tyre dhe po kërkojnë të gjejnë një mënyrë që ta rrisin atë sa më mirë, edhe pse të ndarë. Sipas raporteve të ‘ET’, Khloe dhe Tristan nuk kanë asnjë marrëveshje zyrtare, por të dy janë dakord që True të qëndrojë më shumë me mamanë e saj. “Khloe po kalon më shumë kohë me True. Ajo mund ta marrë atë me vete në punë, gjë që Tristan nuk mundet ta bëjë. Gjithashtu, ajo kalon kohë me kushërinjtë e saj dhe familjen e madhe të Khloe, kështu që ka më shumë kuptim që vogëlushja të qëndrojë me mamanë”, është shprehur një burim. Edhe pse nuk janë bashkë, Khloe nuk do ta pengojë asnjëherë Tristan të takojë vajzën. Për momentin, ato janë dakord në lidhje me kujdestarinë e True./revistawho.com