Pas një kapitulli të mbushur me drama personale dhe tradhti, Khloé Kardashian po mendon sërish për zgjerimin e familjes. Në episodin më të fundit të podcastit të saj Khloé in Wonderland, ylli i reality-show-t pranoi se ideja për një fëmijë të tretë nuk është përjashtuar, madje edhe nëse kjo do të thotë ta marrë vendimin si nënë beqare.
“Kam menduar për mundësinë që të kem një fëmijë të tretë vetëm. Nuk e kam mbyllur derën për këtë ide”, tha ajo, duke shtuar se ende ka disa embrione të ngrira të krijuara gjatë marrëdhënies me ish-partnerin e saj, basketbollistin e NBA-së Tristan Thompson. Kardashian është nënë e dy fëmijëve me të: vajzës True, 7 vjeç, dhe djalit Tatum, 3 vjeç.
Duke reflektuar për vendimet që lidhen me familjen, ajo shpjegoi edhe ndjeshmërinë e këtij procesi:
“Mendoj se fëmijët tanë janë të mitë. Është sikur të them: ‘Duhet t’ia paraqes këtë dikujt tjetër dhe të marr leje?’. Sigurisht që kjo është gjëja e duhur për t’u bërë dhe fëmijët e mi kanë një baba, por unë jam nëna. Nuk do të bëja kurrë asgjë që t’i lëndonte fëmijët e mi… Tristan është shumë i mirë që më beson, por ndonjëherë është ende e vështirë”.
Në të njëjtën bisedë, Kardashian pranoi se përvoja e mëparshme e mëmësisë u shoqërua me shumë dhimbje emocionale pas skandaleve të tradhtisë së Thompson, madje edhe gjatë periudhës kur ishte në procesin e surrogacisë për djalin e saj.
“Do të doja të isha e përfshirë në atë udhëtim këtë herë, ndryshe nga gjithë trauma që rrethoi përvojën e surrogacisë për Tatum”, tha ajo. Megjithatë, ylli i familjes Kardashian mbetet realiste për të ardhmen:
“Nuk e di nëse emocionalisht mund ta përballoj këtë. Është thjesht një mendim. Thjesht kam qenë duke menduar për këtë”.
