Khloe Kardashian mund të jetë larguar nga Tristan Thompson, por ajo vazhdon të ketë probleme me faktin se pse Jordyn Woods, e cila ishte një mike e ngushtë e familjes së saj, e tradhtoi. Ajo gjithashtu nuk arrin të pranojë dot që Jordyn gënjeu kur tha se ishte përpjekur t’i kërkonte falje. Një burim për “HollywoodLife” u shpreh kështu: “Khloe është ende duke e vuajtuar atë çfarë Jordyn dhe Tristan i bënë. Ajo po e përballon shumë mirë pjesën e Tristan. E kupton që është shumë më mirë pa të dhe prej kohësh tashmë e quan veten një mama ‘single’. Megjithatë, ajo ka shumë problem përsa i përket pjesës së Jordyn. Ajo e ka shumë të vështirë të qartësohet dhe është duke i thënë miqve të saj se mendon se nuk do ta falë dot kurrë”. Pas paraqitjes së Jordyn në ‘Red Table Talk’ dhe pas gënjeshtrave që ajo tha (sipas Khloe), ylli i ‘Keeping Up With The Kardashian’, reagoi ashpër në ‘Twitter’. Njerëzit e afërt të saj dhe vetë Khloe thotë se tradhtia e Tristan nuk ishte ndonjë gjë që nuk e priste, ndërsa nga Jordyn vazhdon të jetë e lënduar./revistawho.com
