Khloe Kardashian ka vendosur së fundmi të rinovojë shtëpinë e saj në Calabasas në Los Angeles, në të cilën ka jetuar me ish-partnerin e saj, Tristan Thompson. Burime pranë ‘Cosmopolitan’ kanë zbuluar së 34-vjeçarja ka vendosur të bëjë ndryshime në ambientin ku ka jetuar më parë, për të larguar kujtimet me basketbollistin, i cili është dhe babai i vajzës së saj, True Thompson.
Kujtojmë se pas skandalit të tradhtisë së Tristan me shoqen e ngushtë të Kylie Jenner, Khloe u largua nga shtëpia e saj për të jetuar në një ambient të ri të cilin e mori me qera për 6 muaj. Pas kaq kohësh Kardashian ka vendosur të kthehet në shtëpinë e saj dhe në një video në ‘Instagram’ është shprehur se është shumë e lumtur për këtë rinovim./revistawho.com
