Khloe Kardashian ka kaluar shumë probleme së fundmi dhe ky vit ka rezultuar të jetë jo shumë i mirë për të. Disa kohë më parë ajo i dha fund marrëdhënies së saj me Tristan Thompson, e pas gjithë ndodhive, shoqja e saj e ngushtë Malika Haqq është shprehur se Khloe po ja del mbanë shumë mirë.
34-vjeçarja ka marrë shkas nga ngjarja e ndodhur në Zelandën e Re dhe ka publikuar në ‘Instagram’ foton e një bluze në të cilën shkruhej: “Duaje fqinjin tënd të pastrehë, fqinjin tënd musliman, fqinjin tënd me ngjyrë, fqinjin tënd ‘gay’, fqinjin tënd të bardhë, judenj, të krishterë, ateist apo racist”.
Miliarderja e famshme ka shtuar gjithashtu se e vetmja kurë për çdo gjë është dashuria, duke treguar dhe njëherë se pavarësisht gjithë vështirësive që ajo ka kaluar, vazhdon ende të besojë në fuqinë e dashurisë./revistawho.com
