Familja Kardashian-Jenner ka qenë në qendër të vëmendjes kohët e fundit për shkak të dramave që kanë ndodhur me familjen e tyre. Madje edhe prania e motrave në ‘Coachella’ u komentua shumë, pasi pati përballje mes tyre dhe Jordyn Woods. Megjithatë, motrat Kardashian kanë qenë të pranishme në shërbimin e parë publik të Kanye West dhe vendosën që në vend të koleksionit të këngëtarit, të paraqiteshin me veshje në ngjyrat e çelëta të tokës. Kylie kishte zgjedhur si aksesorë disa kryqe, Kendall ishte veshur thjeshtë, me një fund, bluzë të shkurtër dhe një palë atlete, ndërsa Khloe ishte ajo që bëri bujë. Ajo kishte zgjedhur një fustan prej mëndafshi dhe e kishte kombinuar atë me një palë këpucë ‘Timberland’. Sigurisht, nuk mund të mungonin komentet e ndjekësve të saj në ‘Twitter’, ku të gjithë kritikonin kombinimin e saj. Kaq ka mjaftuar dhe kanë filluar dhe krijimet e ‘meme-ve’, megjithatë duket se ylli i ‘Keeping Up With The Kardashians’ ka vendosur t’i injorojë të gjitha komentet negative./revistawho.com
