Khloe Kardashian zgjodhi emrin True për vajzën e saj dhe menjëherë pas kësaj filluan aludimet se emri kishte lidhje me tradhëtinë e Tristan. Në fakt duket se historia e emrit nuk ka aspak lidhje me këtë ngjarje. Ditën e sotme në aplikacionin e saj Khloe ka treguar se zgjedhja e emrit të vajzës ishte pak e vështirë.
“E dija se fëmija im duhet të kishte një shkronjë T në brendësi të tij dhe gjatë një darke familjare duke menduar për disa emra gjyshja ime më sugjeroi emrin True”, – ka treguar Khloe. Por në fakt nuk mbyllet me kaq, sepse True ishte një kombinim emrash mes atij të stërgjyshit dhe gjyshit të gjyshes së Khloe. Më tej Khloe ka thënë se ky emër e ka shoqëruar gjatë gjithë shtatzënisë së saj dhe prandaj vendosi që vajza të quhej True dhe aq më tepër që është një emër familjar. Vajza e yllit të ‘Keeping Up With The Kardashians’ erdhi në jetë rreth një muaj më parë. /revistawho.com
