Pas skandalit të tradhtisë, Khloe Kardashian u bë sërish kryefjala e portaleve të huaja. Ish-partnerja e Tristan Thompson, Jordan Craig, bëri një deklaratë ku tha se Tristan e ka tradhëtuar atë me Khloe-n, gjatë kohës kur ajo ishte shtatzënë dhe kur sapo kishte filluar të bashkëjetonte me basketbollistin. Pas kësaj deklarate, Khloe ka vendosur të sqarojë njëherë e mirë situatën duke treguar të vërtetën e saj nëpërmjet një postimi në ‘Instastory’. “Jam e zhgënjyer që duhet ta them këtë, por kjo është e vërteta. U njoha me Tristan nëpërmjet disa miqve të përbashkët. Pas disa takimesh, Tristan më tha se kishte një ish-të dashur që ishte shtatzënë. Sigurisht, unë nuk isha më e sigurt për vazhdimin e takimeve tona, apo krijimit të një lidhjeje. Ai më tha se kjo lidhje ishte shumë më përpara se të njiheshim ne. Ai më njohu me rrethin e tij më të ngushtë dhe më bëri të bisedoja me avokatët e tij për të më bindur për fjalët e tij. Miqtë e tij, kolegët dhe madje mamaja e tij më tha se ishin ndarë shumë më përpara se të njiheshim bashkë. Kjo është e vërteta ime. Nëse kjo nuk del kështu, atëherë më vjen keq që miqtë e tij do gënjenin për këtë. Kjo është ajo që më është thënë dhe unë e kam besuar. Më vjen keq për çdo dhimbje të shkaktuar, asnjë femër nuk meriton të përjetojë diçka të tillë”, ka shkruar Khloe. Nuk ka pasur ende asnjë reagim nga Tristan apo ish-partnerja e tij, megjithatë kjo mbetet për t’u parë në ditët në vazhdim./revistawho.com
