Që prej momentit kur miliarderja e njohur, Khloe Kardashian i dha fund lidhjes së saj me Tristan Thompson, mediat e huaja kanë spekuluar shumë rreth raportit të saj më Jordyn Woods. Së fundmi 35-vjeçarja ka zgjedhur të publikojë një shkrim të gjatë në rrjetet sociale ku ka sqaruar se çdo gjë që ka ndodhur ka zgjedhur ta lërë në të kaluarën. Khloe ka shkruar gjithashtu se ka vendosur ta falë Jordyn për tradhtinë me ish-partnerin e saj, sepse ajo dëshiron të jetojë në paqe. Ndër te tjera Khloe i ka uruar 22-vjeçares të jetë e lumtur në jetën e saj.
Këto postime nuk i kanë shpëtuar syrit të Woods, e cila ka reaguar ndryshe nga ç’pritej. Ajo ka ndarë në ‘Instagram-in’ e saj një shprehje në të cilën shkruhej: “Dikush diku po flet akoma për personin që ke qenë, sepse nuk kanë akses në personin që je bërë”.
Pas reagimeve të shumta të ndjekësve, Jordyn ka sqaruar në ‘Twitter’ se jo çdo postim lidhet me atë çfarë të tjerë dinë, pasi deri më tani i është dashur të përplaset me situata të ndryshme të vështira./revistahwo.com
