Kohët e fundit Kiara Tito dhe Butrinti Imeri kanë qenë dyshja më e diskutuar në mediat rozë. Si fillim u zbulua se ata të dy kishin nisur pushimet së bashku për shkak të disa elementeve të njëjtë në fotografitë e tyre. Më pas kënga ‘Ma Cherie’ e Butrintit ngriti dyshimet se ata ishin ndarë.
E si për ta përforcuar më shumë këtë gjë, u vu re se ata nuk e ndiqnin më njëri-tjetrin në ‘Instagram’. Por duket se “ndarja” e tyre ishte diçka kalimtare. Ata të dy kanë filluar sërish të ndjekin njëri-tjetrin në ‘Instagram’. I pari që e hodhi hapin ishte Butrinti, dhe Kiara e ndoqi pas. Megjithatë ende nuk dihet nëse Kiara dhe Butrinti kanë me të vërtetë diçka mes tyre, sepse në të paktat herë që ata kanë folur për këtë gjë i kanë mohuar të gjitha fjalët. /revistawho.com
