Në mbrëmjen e parë të sezonit të ri të “Portokallisë”, të gjithë sytë ishin te Kiara Tito — dhe me të drejtë! Moderatorja u shfaq mahnitëse në skenë, me një fustan ngjyrë ari që vezullonte nën dritat e studios dhe nxirrte në pah hijeshinë e saj.
Por, përveç vëmendjes që mori në publik, një tjetër detaj bëri bujë në rrjete: reagimi i Luiz Ejllit. Këngëtari nuk e fshehu dot krenarinë për bashkëshorten dhe postoi një foto të saj në Instagram, shoqëruar me një dedikim që menjëherë “shpërtheu” në komente:
“Edhe se është kohë e keqe, furtunë dhe shi, prap falë teje TV rri xham.”
Ky mbishkrim poetik u përjetua si një gjest dashurie i ëmbël dhe spontan, tipik për dinamikën që çifti ka ndërtuar që nga “Big Brother VIP”. Fansat nuk vonuan t’i përmbytin me komente dashurie, ndërsa postimi mori mijëra pëlqime brenda pak minutash.
