Personazhet e njohur gjithmonë perceptohen si njerëz shumë të lumtur dhe që nuk kanë as problemin më të vogël në jetë. Por e gjithë kjo krijohet për shkak të asaj se çfarë ata pasqyrojnë përmes rrjeteve të tyre sociale apo ekranit të televizorit. Ndodh rrallë që ata të rrëfehen për problemet e tyre dhe këtë gjë e bëjnë për t’u afruar sa më shumë me personat që i duan dhe ndjekin. Së fundmi Kiara Tito është një nga personazhet e famshëm që ka vendosur të rrëfejë publikisht problemet dhe pasiguritë e saj. Moderatorja ka publikuar një foto të realizuar gjatë perëndimit të diellit dhe atë e ka shoqëruar me një shkrim që tregon shumë për jetën e saj.
“Kam përballuar një dhimbje të fortë zemre, kam jetuar me konfuzion te brendshëm, kam luftuar me demonët e mi më të këqinj. Nga një shpirt i thyer, në një histori shkatërruese nga një marrëdhënie toksike. Tani jam këtu më e fortë. Të gjitha copat e jetës sime më në fund janë bërë bashkë. Jam bërë ajo çfarë e shkuara nuk ka dashur që unë të bëhem duke qenë e hapur ndaj të mësuarit të gjërave të mëdha për veten time. Në mes të stuhisë, diçka është e sigurt ‘do të jesh gjithmonë i pajisur për të përballuar gjithçka që të sjellë jeta’. Dashuri për të gjithë ju që ndiheni të pasigurt dhe të shqetësuar për të ardhmen”, ka shkruar Kiara në postimin e saj. Në këtë mënyrë moderatorja iu ka treguar të gjithë fansave të saj se rrugëtimi në jetë nuk është i lehtë për askënd, thjesht duhet të mësojmë si të përballojmë problemet dhe të rinisim çdo gjë nga e para.
