A do të jetë Kiara Tito prezantuesja e edicionit të ardhshëm të “Kënga Magjike”? Kjo pyetje po qarkullon gjerësisht në rrjetet sociale pas publikimit të një videoje që ka bërë xhiron e rrjetit. Në pamje shfaqen Kiara, Luizi, si dhe Ardit Gjebrea bashkë me familjen e tij, duke nxitur menjëherë spekulime për një bashkëpunim të mundshëm.
Ajo që ka tërhequr më shumë vëmendje është deklarata me humor e Luiz Ejllit, i cili në video dëgjohet të thotë:
“E zëvendëson goca e tij Arditin. Ju mendoni se me mua? Harrrojeni! Me Kiara Titon.”
Kjo fjali me tone ironike, por edhe të nënkuptuara, është interpretuar nga shumë ndjekës si një shenjë që Kiara mund të jetë në bisedime për të qenë pjesë e prezantimit të “Kënga Magjike 2025”, ndoshta në vend të vetë Ardit Gjebreas, i cili tradicionalisht ka moderuar dhe drejtuar këtë festival për vite me radhë.
Deri tani nuk ka asnjë konfirmim zyrtar, por praninë e çiftit në shoqërinë e Arditit, si dhe mënyra si u tha batuta, publiku po e sheh si më shumë se një shaka. Veçanërisht duke pasur parasysh që Kiara ka fituar terren si figurë televizive pas daljes nga “Big Brother VIP” dhe rikthimi i saj në ekran është pritur pozitivisht.
