Kiara Tito ka qenë pasditen e djeshme e ftuar në emisionin e Rudina Magjistarit në ekranin e ‘Tv Klan’ për të folur për risitë e reja që do të sjellë ky sezon i ri i ‘Doktor Plastik 2’. Përveç kësaj, bukuroshja e ekranit ka shpjeguar dhe raportin e shumë komentuar me këngëtarin Butrint Imeri, pas fotove të publikuara në llogaritë individuale të secilit. Megjithatë ajo çfarë ka tërhequr vëmendjen tonë ka qenë një detaj interesant që Kiara ka zbuluar gjatë programit.
Ajo ka treguar se kur ka qenë në moshë shumë të vogël ka marrë pjesë në filmin shqiptar ‘Pesha e gruas sime’ dhe siç ka shtuar vetë 23-vjeçarja, xhirimet realizoheshin 1 kat më lart shtëpisë së familjes së saj. Kiara ka treguar gjtihashtu se filmi është xhiruar në orët e vona të natës dhe se në ato momente ajo ka qenë në gjumë, por këmbëngulja e mamasë për të marrë pjesë në film e ka bërë që të zgjohet.
“Nuk kam mundur të them asnjë fjalë, sepse kam qenë në gjumë aty realisht. Nuk e kuptoja se çfarë po ndodhte”,- është shprehur Kiara në program, duke kujtuar me nostalgji atë periudhë të fëmijërisë.
Ndër të tjera moderatorja e ‘Doktor Plastik’ ka treguar dhe detaje nga performancat e saj të para pranë familjarëve dhe hapat e parë që hodhi në ekran./revistawho.com
