Kim i habit të gjithë, tregon se sjellja e Kanye në shtëpi ndryshon nga ajo në publik

Kanye West është përfshirë shpesh në debate publike dhe postimet e tij në rrjete sociale krijojnë gjithmonë debat, por duket se në shtëpinë e tij ai është shumë më ndryshe. Në një intervistë për revistën “Stellar”, Kim Kardashian ka zbuluar se si e bën të lumtur bashkëshortin e saj. Ajo ka treguar se Kanye është shumë i thjeshtë për t’u menaxhuar, sepse mjafton një akullore dhe ai menjëherë gëzohet. “Ai është shumë i thjeshtë. Nëse i jap një ‘brownie’ të ngrohtë dhe akullore, është shumë i lumtur dhe kjo do të më jap shumë pikë, si përshembull, për një javë të mirë. Po, ai është shumë i thjeshtë dhe më lë të shikoj spektaklet e mia të preferuara gjatë natës. Edhe kur ai do të shikoj ‘Rick and Morty’, ndërsa unë dua të shoh ‘Dateline’, Kanye më lë të shikoj ‘Dateline'”, ka rrëfyer Kim. Ajo ka treguar se kënaqet shumë kur punon me bashkëshortin e saj dhe se ka mësuar prej tij si të thotë “jo” e të mos bëj kompromise. Kanye West ka ndryshuar plotësisht pas nisjes së rrugëtimit të tij drejt fesë dhe spiritualitetit dhe këtë gjë e ka pranuar edhe vetë Kim Kardashian. /revistawho.com