Kim Kardashian e cilësuar si gruaja që “krijoi” veten, nuk e vret shumë mendjen për rregullin e pashkruar “mos i merr kurrë vëmendjen protagonistit të festës”. Mbretëresha e showbiz-it kish veshur në ditëlindjen e mikut të saj më të ngushtë Jonathan Cheban, një xhaketë lëkure me motive ‘kardashiane’. Lëkura e zezë e zgjedhur për këtë event, kishte të stampuara disa imazhe të vetë Kim në versionin bionde në pjesën e shpinës dhe versionin e saj brun në pjesën e përparme. Kim kështu i bëri reklamë idhullit të saj, vetvetes. Xhaketa origjinale është vepër e ateliesë së Clara Chon në Zelandën e re, për markën e saj ‘Blue Blank’. Stilistja për një revistë amerikane ka rrëfyer se Kim e kërkuar xhaketën e lëkurës pasi kishte parë një të ngjashme veshur nga reperi Drake, dhe se për realizmin e saj u desh një muaj e gjysëm. Por gjëja më interesante në të gjithë këtë është se Chon i realizon këto xhaketa për të gjithë, mjafton t’i dërgojnë 2-3 ‘selfie’ dhe ajo nis punën me ngjyra e penelë për të realizuar ëndrrën e gjithkujt.
