Pas komenteve të fundit shqetësuese të Kanye West, Kim Kardashian është detyruar të kërkojë ndihmën e Beyoncé për të përballuar situatën e krijuar nga sjellja e ish-bashkëshortit të saj.
Reperi shkaktoi reagime të ashpra kur përfshiu në një postim fyes binjakët e Beyoncé dhe Jay-Z, Rumi dhe Sir, duke i renditur mes personave që ai pretendon se e kanë tradhtuar. Në të njëjtën deklaratë, ai hodhi akuza edhe ndaj fëmijëve të vet, duke i lënë ndjekësit të habitur.
E shqetësuar për ndikimin që mund të ketë kjo situatë mbi familjet, Kim vendosi të kontaktojë privatisht Beyoncé për të ofruar mbështetjen dhe keqardhjen e saj.
“Padyshim që Kim nuk mund ta kontrollojë Kanye-n, por ajo ende ndihet e prekur”, tha një burim për mediat.
Beyoncé raportohet se është ndjerë po aq e tronditur nga deklaratat e West. Sipas burimeve, dyshja kanë ndarë shqetësimet për sigurinë dhe mirëqenien e fëmijëve të tyre dhe po kërkojnë mënyra për ta ndihmuar reperin që të marrë ndihmën e duhur.
Burimi shtoi se ato kanë qenë në kontakt me persona të afërt me Kanye, duke u përpjekur që ai të kuptojë seriozitetin e situatës dhe të ndërmarrë hapa drejt trajtimit të shëndetit të tij mendor.
—
