Kim Kardashian organizoi festën e ‘Baby shower’ në fund të muajit prill, ku dhe lajmëroi se në 2 javë fëmija i saj i katërt do të vinte në jetë. Ndonëse miliarderja e famshme është shumë pranë momentit të shumëpritur, duket se ende nuk e ka vendosur emrin e fëmijës. Burime pranë 38-vjeçares kanë zbuluar se ajo dëshiron që ta shohë fillimisht dhe më pas të vendosë se si do ta quajë. Në fillim të muajit prill, Kardashian deklaroi se mund ta quante Robert, megjithatë ajo nuk ishte zgjedhja përfundimtare e saj.
Nuk dihet ende se çfarë emri do të vendosë Kim për fëmijën e saj, megjithatë kjo pritet të zbulohet në vetëm pak ditë. Kujtojmë se miliarderja e famshme ka zgjedhur ta sjellë fëmijën në jetë me një nënë surrogate për shkak të problemeve të saj me shëndetin. Deri më tani ajo dhe Kanye West janë prindër të 3 fëmijëve, North 5-vjeç, Saint 3-vjeç dhe Chicago 1-vjeç./revistawho.com
