Pas martesës së saj gjashtëvjeçare me Kanye West dhe romancës së shkurtër me Pete Davidson, Kim Kardashian ka vendosur të mbajë të fshehta për marrëdhënien e saj. Megjithatë, së fundmi Kim ka zbuluar se po njihet me dikë të quajtur “Fred”, në një trailer promovues për episodin e tretë të The Kardashians.
“Miqtë e mi donin që unë të takoja dikë”, i tha ajo mikut të ngushtë të familjes dhe ish-të dashurit të motrës, Scott Disick. “Le ta quajmë këtë djalë ‘Fred’,” tha Scott. “A i plotëson standardet?” Kim u përgjigj: “Oh, i plotëson standardet që ç’ke me të”.
Kim u pa duke buzëqeshur dhe duke shkruar mesazhe gjatë xhirimeve. Një producent e pyeti nëse ajo po i dërgonte mesazhe Fredit dhe Kim tha: “Po”.
Gjatë episodit të tretë, Kim i tha Scott për të fluturuar për në Nju Jork për të takuar Fredin. Sipas saj, ata u takuan në një restorant me një dhomë private ku ajo kishte qenë më parë me Pete. “Ishte vendi ku shkoja dhe haja darkat e mia të fshehta me Pete”, tha ajo.
Kim dëshiron të shijojë fshehurazi njohjen me Fredin.
“Padyshim që meson nga çdo situatë dhe e vetmja gjë që mësova nga situata e fundit ishte se media më bëri të ndihesha sikur isha në një lidhje shumë serioze kaq shpejt”, tha Kim në një rrëfim, sipas People.
