Përpara se të krijonin një lidhje të përjetshme me njëri-tjetrin, Kim Kardashian dhe Kanye West për një kohë të gjatë ishin miq shumë të mirë. Megjithatë Kanye ka përdoruar mënyra të ndryshme për t’i rënë në fillim në sy Kim dhe kjo e fundit ka vendosur të tregojë një prej tyre me të gjithë ndjekësit e saj në ‘Twitter’. Pesë vite përpara se ata të lidheshin, Kanye ka ftuar Kim në një nga koncertet e tij. Njëra nga fanset e Kardashian ka publikuar një fotografi të saj të vitit 2007, e shkëputur nga dita kur Kim shkoi në koncertin e reperit.
“Fakt interesant – Në këtë fotografi isha rrugës për të takuar Kanye për performancën e tij në ‘MTV Awards’. Në të vërtetë nuk e njihja, por njerëzit e tij folën me njerëzit e mi për t’u takuar. Në të njëjtën ditë njoha edhe nënën e tij Donda”, – ka treguar ylli i ‘Keeping Up With The Kardashians’. Kim dhe Kanye u lidhën për herë të parë me njëri-tjetrin në vitin 2012, ndërsa në 2014 vendosën të martoheshin në një ceremoni të madhe në Itali. /revistawho.com
