Kim nisi studimet për drejtësi, Kourtney tallet me të: Tani çdo gjë e lidh me ligjin

Kim Kardashian zbuloi pak javë më parë se kishte nisur studimet për drejtësi dhe se shumë shpejt do të bëhej avokate. Pavarësisht se shumë fansa u tallën me të, Kim ka treguar se është e vendosur për ta çuar deri në fund këtë dëshirë të sajën. Siç duket ajo i ka marr studimet shumë seriozisht dhe për këtë gjë ka folur motra e saj Kourtney Karadashian. Kourtney ishte e ftuar në emisionin e Ellen Degeneres, ku ka treguar se Kim tashmë e lidh çdo gjë me drejtësinë. Ajo ka thënë se Kim përmend vetëm ligjin dhe tani mendon se di çdo nen të tij. Ellen ka shtuar pas Kourtney se kjo duket shumë e mërzitshme dhe ajo e ka pohuar duke qeshur. Kim më herët ka treguar se kjo nuk është aspak e lehtë për të, sepse i duhet të studiojë dhe kujdeset për fëmijët, por do ta ndjekë hap pas hapi ëndrrën e saj. Kujtojmë se Kim Kardashian ka 3 fëmijë, North, Saint, Chicago dhe së shpejti do bëhet nënë për herë të katërt. /revistawho.com